Reis do Entroido Ourensán

Fotografias de dona Elisa Gonzalez Pombar

Xa pasaron por eiqui "O Trangallán", e o amigo Marcial Feijoo; dous animadores do Carnaval Ourensán, faltan moitos personaxes entrañables, que viven ou vivian nalgun caso, estas festas con moita ilusión, e pra elo non dubidan en participar de xeito activo.

Hoxe presentovos unha parella que nos anos 40-50, non perdían un día da festa, Falamos do Marrón, e a Marrona.

Don José Rodriguez Rodriguez e dona Piedad Ariza Pedregosa, era un matrimonio que deixou a sua impronta, na cidade.

Tiñan un posto de carniceria na praza de abastos, e alí traballaban a diario, pero os seus momentos de lecer, gustaballes deixar de lado o mandil, e vestir de "punta en blanco"; era algo habitual, atopalos nas salas de festas da cidade, Bilbaina, O Moderno, etc. tomando o seu café, e case que sempre en boa compañia; moitas das artistas que viñan actuar na cidade, non sei o motivo, pero contanme que soian gustar da compañia desta algre parella.

Non era dificil, velos paseando na calesa do "Patillas", (existe certa discrepancia entre os meus informantes, sobre o nome do conductor- propietario de coche de cabalos), ambolos dous, elegantemente vestidos, Don José, as mais das veces, gustaba portar Chistera.

Pero chegando o Carnaval, eran un dos centros de atracción nas rúas e bailes da cidade.  

Disfrutade do Entroido que esta a piques de comezar, e esquezede a lo menos por uns días as penas, como decia aquil, "sempre positivo, nunca negativo"... 

Bo Entroido,

(coidado co alcohol, que e moi malo.....)