Re vivir Ourense

A fotografía de hoxe, é da rúa Xullo Prieto Nespereira, (Rúa Porta dá Aíra?); fai moi poucos días, mostreivos unha fotografía dos restos que crin que aínda podíanse ver, da Porta que daba nome á rúa, e como podedes ver na foto inferior, hoxe xa non están todos, (espero que sexa unha cuestión loxística, e retirásense momentaneamente para a obra que aparentemente se está facendo na zona).

Se por algún motivo quixésense retirar, sei de máis dun que lle daría acubillo a esas pedriñas.

Pero hoxe a entrada non vai diso; aproveitando a preciosa tarde dominical que gozamos o 10 de outubro, e como me apetecía asistir á charla do Sr. Mañá dentro dos actos da semana de Literatura Histórica "Auria", no Posío; deime unha volta por esa zona do vello Ourense.

Calquera de vós pode facer o mesmo, e gustaríame que se o facedes, comentédesme, se as sensacións foron as mesmas.

O xardín, víase vivo, case se podería dicir que recordaba os meus anos mozos, nenos en bicicleta, algúns balóns, e moito Ourensán gozando das case primaverais temperaturas. O resto da zona, rúa Pai Feijoo, a xa nomeada Xullo Prieto, Colon, Hernán Cortes, as prazas da zona San Marcial, Saco e Arce, Herrería etc., víanse con todo silenciosas e tristes.

Xa noutra ocasión, comentei este tema, pero me gustaría non deixalo de lado, na zona vese que se está traballando para lograr a súa recuperación, varios servizos de titularidade municipal teñen ou en breve terán a súa sede nesas rúas, a asociación de construtores, tamén achegou o seu granito de area, en Colon 20 abriuse o centro cívico, varios edificios recuperáronse para aluguer de mozos, os artesáns florecen nos baixos, fálase do museo da Maxia, etc.

Felicito a todos os que tan duramente están traballando pola zona, e publicamente doulles o meu agradecemento; pero, (por que sempre haberá un pero?), a modo de suxestión, aínda que posiblemente xa sexa tema de estudo e procura de solucións, a zona segue tendo o serio inconvinte, da falta de aparcadoiro, para os residentes. Podería construírse un en San Marcial, no terreo do antigo Hospital da Trinidade, ou en San Cosme, por exemplo?. É unha pregunta, non unha crítica.

Desde o meu punto de vista de simple cidadán, sería o empuxón definitivo pra re- vivir o casco histórico.