O Estadio do Couto (1956?)

Aquí tedes o antigo marcador

Estas imaxes, xustifican o desembolso realizado para construír o Estadio do Couto, (durante unha época denominado "Jose Antonio"), os domingos eran intocables, xantar na casa e ás catro ao Couto, que xoga o "Orense", o malo é que xogaba cada 15 días, se non había vehículo para acompañalo no desprazamento, non valía ningunha escusa, e había que saír de paseo coa señora.

Os cheos eran de impresión, e os homes e algunha atrevida rapariga, achegábanse ao campo para respirar aire "Puro" (de Faria), de paso desafogábanse co arbitro, e relaxaban tensións da semana.

Centenario e cincuentenario Maristas Ourense

Como xa vos informei fai varias entradas, os Irmáns Maristas, celebran a partir de hoxe día tres de Novembro, o centenario da apertura do seu primeiro colexio, "Los Santos Ángeles", o que non sei si vo lo dixen, é que tamén nestas datas, celébrase o cincuenta aniversario da apertura do colexio actual o Colexio Maristas "Santa María".
Tras varias xestións que comezaron o ano 48, os irmáns regresan á cidade, coa idea de asentarse definitivamente nela, de primeira intención, conseguen unha localización provisional no antigo Sanatorio do Doutor Pol Piñeiro, na Avenida de Pontevedra (Pereira 5).
Pero o seu obxectivo é a construción dun novo colexio, que premie as expectativas e colaboración de todos os ourensáns involucrados no seu regreso.
Para iso no ano 1954 comezan a traballar na busqueda dun lugar axeitado para facer o novo edificio, atopanno na rúa Bedoya, e o ano 1956 ca colocación da primeira pedra, darian inicio as obras, que culminarían a tempo de comezar unha nova etapa, xunto a un novo curso no ano 1958.
Con ese motivo móstrovos hoxe as fotos da colocación da primeira pedra, así como varias das obras.

Aquí podedes observar os métodos utilizados neses anos, para construír en altura.

Nestoutra vese o desterro necesario, para a cimentación e instalación dos baixos do colexio.

Fachada a Rúa Bedoya

Hoxe no hall de entrada do colexio ás 8 da tarde inaugúrase, a exposición fotográfica, dos 100 anos de presenza Marista, e dos 50 anos do novo colexio, á cal o director Don Alfredo Veiga invita a todos os ourensáns.

O novo centro II

N
Para ampliar a entrada do cambio na zona centro, déixovos estas imaxes, nelas a parte de ter outro ángulo, no Parque de San Lazaro, tamén podedes observar as traseiras da rúa do Paseo, e como comezaron as obras de XOÁN XXIII. (corresponden a mesma época da anterior entrada, finais dos 50)

Praza de Isabel la Catolica (Transformación)

Explícome, a praza tivo ese nome, ata que se decidiu honrar a un dos escritores (ensayista), que mais sona deron a Ourense, o Pai Benito Xerónimo Feixoo Montenegro (Casdemiro, Ourense 1676-1764), autor do soado Teatro Crítico Universal.

Foi o día oito de setembro do 1887; dende o día sete ata o dez, organizáronse feiras, conferencias, concursos, e multitude de actos; ata se engalanou cun "Arco Mudejar" (deseño do catedrático de Historia do Instituto don Antonio Torres e Tirado), (non queda ningún rastro do Arco) a rúa do alba, a fin de que servise de marco ao oficio relixioso.

Rematarón os actos de homenaxe cun discurso pronunciado por Dona Emilia Pardo Bazán, no Teatro da Paz (Principal) o día dez. (Coordinou os actos o Sr. Don Manuel Pereiro Rey) Polo debuxo, insinúase que estaba situado na propia praza, pero a información do momento di que se situou na rúa do Alba (Cardeal Quiroga)).

Dende esas datas, a estatua e o seu entorno, como xa vos comentei noutra entrada, convertéronse no "Paraíso dos fotógrafos", de momento teño mais de 50 fotografías feitas nesa zoa, que vos mostrarei nalgunha entrada.

Ceñidor Avispa (1957)

Instrumentos de tortura, pero como dicía a miña avoa "pra campar hai que rabear".

Estas de o anuncio eran das cómodas (eran elásticas), porque as había con baleas e cordóncillos, que se asemellaban ás que actualmente se utilizan para problemas de costas.