A Festa da Arribada 2011

Os que seguides o blog, tedes claro que a vila de Baiona, e  un dos lugares onde me gusta perderme de cando en vez.

Un dos motivos que me fan ir dar unha volta por alí, e a "Festa da Arribada".

"O día 1 de marzo do ano do señor de 1493, "arriba" as costas da vila de Baiona, a carabela "La Pinta".

Capitaneada por Don Martin Alonso Pinzón,  retornaba ca flota do almirante Colón, do viaxe que habia dado lugar o descubrimento do Novo Continente; a piques de rematar a travesia, unha terrible tormenta azota os intrepidos navegantes, e fai que se separen; a fortuna quiso que "La Pinta" , pasado o temporal descubrise que a sua posición era cercana as costas de Galicia, e pon rumbo cara Baiona.

Con eles chega a boa nova do descubrimento, o que fai que se desate a alegria. Envianse con urxencia, mensaxeiros á Corte, pra adiantar as novas, e mentras o capitán, a tripulación e a nave fan un breve descanso, que lles vai permitir coller folgos pra rematar a sua viaxe co resto da flota en Palos da Frontera."

Este feito historico conmemorase desde o ano 1974, en Baiona, O que comezou sendo un día festivo pra os residentes na vila, acadou  o ano pasado, o galardón de festa de interese nacional. E de seguir así de involucrado o pobo, non dubido que chegara a se converter, en festa de interes internacional.

E xa que falamos dunha fantastica festa historica, imos comezar a darlle un pouco de publicidade as nosas, que ainda que son un pouco mais tarde, tamén son merecentes de galardons; "Bela Auria" "Da Historia", "Do Esquecemento",  a mais proxima a da Bela Auria, que comezou a sua andadura o pasado ano, (e con moi bo comezo por certo), xa esta no proceso de preparación, así es que podedes ir empezando a sacar as galas do armario, que iste anos tedes que vir vestidos de época.