Vista de exercicio.

Coido que con isto xa completo o caderno de tarefas deste verán.

   Polos vosos correos electrónicos, se que vos están a gustar, as fotografías, pero tamén vexo que temos moitas dúbidas, e me inclúo no grupo. A solución precisamente, creo que é seguir dándolle voltas ao tema, (pero sen obsesionarse, como di a miña santa esposa).

   Esta nova vista da cidade, obtida dende a zona de Montealegre; sabedes que a maioría se tomaban dende Salto do Can, ou o Seminario, pero algunha hai dende esta situación; corresponde posiblemente a finais dos sesenta, ou comezos dos setenta.

   Pero precisamente iso é o que quero que me digades vós; e se é posible que identifiquedes algún dos edificios para axudar a situarnos.

  

   Vou aproveitar para facer unha puntualización a un dos novos amigos do blog, que creo servirá para todos. O colexio que estaba na rúa de La Barrera, era a sección masculina do Cardeal Cisneros, e se, desapareceu desa localización cando se decidiu abrir a rúa Doutor Marañón.

Os correos electrónicos a: ourensenotempo@hotmail.com