Consejos y avisos

26/12/10

Homenaxe a don Luis Fabrega Coello

Maña as 20,30 na rúa Cardeal Quiroga, (rúa do Alba), a cidade vai rendir un emotivo homenaxe, a un ourensán, Don Luís Fabrega Coello, nesa data cúmprense 50 anos do falecemento, de quen durante a súa vida, foi un servidor dos habitantes da súa cidade e provincia, Ourense.

Fai xa bastante tempo, que intento que o seu neto Pastor, redacte unha entrada que nos mostre a Don Luís, en todas as súas facetas. Ninguén mais autorizado que Pastor, para facelo; pero supoño que o medo a caer no eloxio excesivo, fixeron que me facilite os datos necesarios; e unhas cantas imaxes que acompañen eses datos, pra que eu redacte a dita entrada. De todolos xeitos, a redacción deses datos, e tan precisa, que case que non lle vou tocar case nada.
Coincidindo coa homenaxe que se lle rende mañá, no que se descubrirá unha placa conmemorativa, na casa onde viviu gran parte da súa vida, Cardeal Quiroga 31. Publicarei esas fotografías de Don Luís, que mostran diversas facetas da súa vida, e fareinno en duas partes, pra que non sexa moi longa.

"Nace Luís Fábrega Coello o 5 de Maio de 1874, na casa n.º 30 da rúa do Progreso, fillo de Tomás Fábrega Tomás, natural de Cistella (Xirona) e de Laura do Coello López, natural de Cangas de Onís (Asturias). O seu pai mestre de obras titulado, tras traballar en Asturias onde contrae matrimonio, trasládase a Ourense a fin de traballar no ferrocarril Ourense-Vigo, entón en construción.
En 1887 trasládase a vivir xunto cos seus pais á casa que estes construíran no n.º 31da rúa de Alba na cal moraría ata o seu falecemento.
Finaliza Luís Fábrega os estudos de bacharelato no Instituto de Ourense o ano de 1891. Neste mesmo ano, matricúlase en preparatorio para cursar os estudos de Farmacia na Universidade de Santiago, onde obtén a Licenciatura no ano de 1899.
En Arnedo (A Rioxa) fai un ano de prácticas, e tras rexentar unha farmacia en Monforte de Lemos, abre en Ourense a súa Farmacia o 3 de Xullo de 1904 na esquina das rúas de Alba e Progreso, da que foi titular ata oseu falecemento".
 
Seguiremos maña......

No hay comentarios: